Gurekin lan egiteko interesa baduzu bete GALDETEGIA.

Berbaroren proiektuak

  1. Berbaroren lan poltsan izena emanda zein proiektutan egin dezaket lan?

 

  1. Gaztelekuak: 10-16 urte arteko gazteentzako proiektuak dira. Adin horretako gazteen beharrei egokitutako espazioak dira; gainera, hori baino gehiago ere badira, irteerak eta ekintza bereziak ere egiten direlako gaztelekuetatik.

 

  1. Euskara errefortzuak: euskara maila egokia lortzeko zailtasunak dituzten haurrekin errefortzu saioak egiten ditugu. Jolasaren eta metodologia ludikoen bidez euskara gaitasuna handitzeko proiektuak dira.

 

  1. Haur Literatura Aretoa: irakurzaletasuna sustatzeko proiektua da, eta ipuin kontalaria, ipuin musikatua, antzerkia eta liburu erraldoia biltzen ditu, besteak beste. Udazkenean egiten da.

 

  1. Saguganbara: Durangoko Azokako haur txikien gunea da. Bertan, batetik, liburuak irakurtzeko aukera dute haurrek; bestetik, argitalpen berrien aurkezpenak egiten dira.

 

  1. Domekak Olgetan: Durangoko X-Y urte arteko haurrei zuzendutako proiektua da. Hilean behin, domeka arratsaldez, ekintza edo tailer bat egiten dugu: sukaldaritza, eskulanak, marrazketa tailerra…

 

  1. Udalekuak: udaleku euskaldunak antolatzen ditugu, udalekuen balio hezitzaile eta eraldatzailean sinetsita. Berbaroren udalekuak, batzuk; Durangaldeko udal batzuekin elkarlanean, besteak. Proiektu horietan hezitzaile asko egoten dira, eta lan poltsa propioa dute, apirilean zabalduko duguna.

 

  1. Itzartu: Durangoko X-Y urte arteko gazteentzat aisialdi eskaintza euskaldun eta gozagarria sortzen duen proiektua da. Proiektu zehatz honetan, hezitzaile taldea boluntarioek osatzen dute.