Hasi da ezohiko Azoka, eta Saguganbara ere bertan DA! (egitaraua barruan)

Ikasle Egunarekin hasi da 55. Durangoko Azoka. Hainbat tailer egingo dituzte ikasleek, online, eta jardun hori #IkasleGoizaDA traolaren bidez jarraituko ahalko da.

Azoka egunetan, 10:30etik 11:30era izango dira Saguganbarako aurkezpenak.  Egunero hiru aurkezpen, antzerki, ipuin-kontaketa edo kontzertu egongo dira.

Bertatik bertara edukiera mugatu batekin ikusteko aukera egongo da, eta etxetik edonork streaming bidez ere ikusi ahalko ditu. Hauexek dira Saguganbararako lotu ditugun aurkezpenak:

• Abenduaren 5ean, zapatua (sarrerak agortuta daude, streaming  bidez ikusi ahalko dira)
  • Itsas-hariak antzezlana
  • Koralaren distira ipuin-kontaketa
  • “Lorerik gorriena” aurkezpena

• Abenduaren 6an, domeka (sarrerak agortuta daude, streaming bidez ikusi ahalko dira)
  • “Galtzaundi, Galtzamotz eta Galtzajario” aurkezpena.
  • “Xabier Lete ttiki” aurkezpena
  • “Bartoxeko Olentzero”, irakurketa
  • “Laino txiki, egizu negar poliki”, ipuin-kontaketa

• Abenduaren 7an, astelehena (gaur,  abenduak  4, erreserbatzeko  aukera dago, saioetan klikatuta. Streaming bidez ere ikusi ahalko dituzue)
  • “Amona Tomaxaren abenturak” aurkezpena
  • “Zirimiri”, aurkezpena
  • “Familia desberdinak, esku desberdinak” aurkezpena

• Abenduaren 8an, martitzena (sarrerak agortuta daude, baina streaming bidez ikusi ahalko dituzue)
  • “Kokojokoa” aurkezpena
  • “Liburu baby kluba” ipuin kontaketa
  • “Miru, zoriontsu izateko sortu gara”kontzertua

Durangoko Azokaren informazio guztia www.durangokoazoka.eus webgunean duzue ikusgai.